ಮಳೆರಾಯನ ಗಮ್ಮತ್ತು......

ಮಳೆ... ಕಾದು ಕಾವೇರಿ.... ಕೆಂಡದಂತಾಗಿದ್ದ ಭುವಿಗೆ ತಂಪೆರೆವ ಪ್ರಕೃತಿಯ cool drink...... ತಿಂಗಳುಗಟ್ಟಳೆ ಬಿಸಿಲ ಬೇಗೆಯಿಂದ ಬೇಸತ್ತು ಹಂಬಲಿಸಿದ ಜೀವಜಾಲಕ್ಕೆ ಸಿಗೋ ಅಮೃತ....... ಎಲೆಯುದಿರಿಸಿದ್ದ ಮರಗಳು ನಿಧಾನವಾಗಿ ಚಿಗುರೊಡೆಯುತ್ತವೆ.... ಮರುಭೂಮಿಯಂತಿದ್ದ ಗುಡ್ಡಗಳು ಹಚ್ಚ ಹಸಿರಾಗಿ ಕಂಗೊಳಿಸುತ್ತವೆ....ಬಣ್ಣ ಬಣ್ಣದ.... ವಿವಿಧ ಗಾತ್ರದ.... ವಿವಿಧ styleನ ಕೊಡೆಗಳು ರಾರಾಜಿಸಲು ಶುರುವಾಗುತ್ತವೆ ......



ಅಷ್ಟೊಂದು ದಿನ ಎಲ್ಲಿದ್ದವೋ ಈ ಕಪ್ಪೆಗಳು.... ನಿಧಾನವಾಗಿ ಟ್ರ್ರೋಂ...... ಟ್ರ್ರೋಂ...... ಅಂತ ಕೂಗಾಡ್ತಾ ಕಛೇರಿ startಮಾಡಿಯೇ ಬಿಡ್ತವೆ.... ಈ ಪಾಪಿ Universityಯವರು ನಮ್ಮಂತಹಾ engineering studentsಗಳಿಗೆ ಈ ಸಮಯದಲ್ಲೇ ರಜಾ ಕೊಡೋದು..... ಒಳಗಡೆ ಕೂರಕ್ಕೂ ಅಲ್ಲ.... ಹೊರಗಡೆ ಇಳಿಯಕ್ಕೂ ಅಲ್ಲ ಅನ್ನೋ ನಮ್ ಅವಸ್ಥೆ ಅವ್ರಿಗೇನಕ್ಕೆ ಅರ್ಥ ಆಗಲ್ಲ....????



ನಂಗಂತೂ ಈ ಮಳೆ ಅಂದ್ರೆ ಒಂಥರಾ ಇಷ್ಟ....... ರಜಾ ಇದ್ರೆ ಇನ್ನೂ ಮಜಾ..... ಗುರ್ರ್ರ್ ಅಂತ ಗೊರಕೆ ಹೊಡೀತ್ತಾ ಅಮ್ಮನ ಬೈಗುಳು ಕೇಳೋ ತನಕ ನಿದ್ದೆ.... ಆಮೇಲೆ ಹಬೆಯಾಡೋ strong cofee.... ಅಬ್ಬಾ.... ಸಂಜೆ ಧೋ... ಅಂತ ಹೊರಗಡೆ ಸುರೀತ್ತಿರೋ ಮಳೆ ಜೊತೆ ಬಿಸಿ ಬಿಸಿ ಎಣ್ಣೆ ತಿಂಡಿ.... ಹಪ್ಪಳಾನೋ ಬೇಸಿಗೆಯಲ್ಲಿ ಹಂಡೆಯಲ್ಲಿ ಹಾಕಿರೋ ಹಲಸಿನ ಸೋಳೆಯ "ಉಂಡಳಿಕಾ"ನೋ ಸಿಕ್ ಬಿಟ್ರೆ ಅಂತೂ ಭೂಮಿ ಮೇಲೆ ಇರೋ ಸ್ವರ್ಗದ ಥರಾನೇ.....

ಮೊನ್ನೆ ಒಂದು ದಿನಾ ನನ್ ದಿನಚರಿಗೆ ವ್ಯತಿರಿಕ್ತವಾಗಿ ಬೆಳ್ಳಂಬೆಳಗ್ಗೇನೇ ಎದ್ದು ದೂರದಲ್ಲಿರೋ ಒಬ್ಬ friend ಮನೆಗೆ ಹೊರಟಿದ್ದೆ... ನಮ್ಮೂರ ರೋಡ್ ಗಳ ಬಗ್ಗೆ ಹೇಳೋದೇ ಬೇಡಪ್ಪಾ.... ಸಾಕ್ಷಾತ್ ಸರ್ಕಸ್ ನವರ ಮರಣ ಗುಂಡಿಗಳ ಥರಾನೇ ಇರ್ತವೆ....Bus standಗೆ ನಡೀತ್ತಾ ಹೋಗ್ತಿದ್ದೆ.... ಎಲ್ಲಿಂದಲೋ ಭರ್ ಅಂತ ಒಂದು ಕೆoಪಿನ ಕಾರಲ್ಲಿ ಬಂದ ಫಟಿಂಗ ನನ್ cream colourಗೆ ಪಿಚಕ್ ಅಂತ ಕೆಸರೆರಚಿಯೇ ಬಿಟ್ಟ.... ಮೊನ್ನೆ ಮೊನ್ನೆ ಹೊಸದಾಗಿ ಹೊಲಿಸಿದ್ದ shirt ಬೇರೆ....5-10 ಸಾರಿ ಮಂಗನ ಮದುವೆಯಂತಿದ್ದ ಬಿಸಿಲಲ್ಲಿ ಕಷ್ಟಾ ಪಟ್ಟು ಒಣಗಿಸಿದ್ದೆ..... ದುರವಸ್ಥೆ ನೋಡಿ ನಖಶಿಖಾಂತ ಉರಿದೋಯ್ತು.... ಕಾರಿಗೆ ಕಲ್ಲು ಹೊಡಿಯೋಣ ಅಂತ ಅನಿಸ್ತು.... ಅವ್ನು ಹೋದ ಸ್ ನಲ್ಲಿ ಕಾರು ಪಕ್ಕದ ತಿರುವಲ್ಲಿ ಮರೆಯಾಗಿ ಹೋಗಿಯೇ ಬಿಡ್ತು...........



ಒಂದು ಮಳೆ ಬಿತ್ತಂದ್ರೆ ಸಾಕು.... ಶುರುವಾಯ್ತು ಸೊಳ್ಳೆಗಳ ಕಾಟ.... ಟುಯ್.... ಅಂತ ಬರ್ತಾವೆ "ಡ್ರ್ಯಾಕುಲಾ"ಗಳು... ಅವು free ಆಗಿ ವರ್ಷಕ್ಕೊಂದು introduce ಮಾಡೋ ಜ್ವರಾ ಬೇರೆ..... ಡೆಂಗ್ಯೂ ಅಂತೆ.... ಚಿಕನ್ ಅಂತೆ..... ಟೊಮೇಟೋ ಅಂತೆ..... ಬಟಾಟೆ ಅಂತೆ.... ಕೇಳಿದ್ರೇನೇ ಸಾಕಪ್ಪಾ.... ಬೆಂಗಳೂರಿನ K.R. ಮಾರುಕಟ್ಟೆಯಲ್ಲಿ 4ರೂಗೆ 2ಅಂತ sale ಮಾಡೋ ಹಾಗಲ್ಕಾಯಿ ಥರಾ ಆಗುತ್ತೆ ನಂ ಮುಖ....



ಆದ್ರೆ last yearನ ಒಂದು ಮೊದಲ ಮಳೆ ನನ್ನ ಮನಸ್ಸಲ್ಲಿ ಇನ್ನೂ ಹಾಗೇ ಇದೆ. ಜಾಲಳ್ಳಿ ಸಮೀಪದ industrial areaದ ಒಂದು companyಗೆ calibrationಗೆ ಅಂತ ಹೋಗಿದ್ದೆ... ಅಲ್ಲಿಂದ ಹೊರಟು ಹೊರಗಡೆ ಬಂದು ನೋಡ್ತೇನೆ... ಸೂರ್ಯ ಮಂಗಮಾಯ..... ಬಂದೇಬಿಡ್ತು ನೋಡಿ..... ಮಳೆ... ಟಪ್ ಟಪ್ ಅಂತ 10...15 ಹನಿ ನನ್ ಬಿಳಿ shirt ಮೇಲೆ ಬಿದ್ದಿರ್ಬಹುದೇನೋ.... ಮನೆಗೆ ಬಂದು shirt ಕಳಚಿ ನೋಡ್ತೇನೆ... ಆ ಹನಿಗಳ ಕಂದು ಕಲೆ ಹಾಗೇ ಇತ್ತು.... ಆದ್ರೆ ಆ industrial areaದಲ್ಲಿ ಎಷ್ಟು pollution ಇರ್ಬೇಡ????? ನಮ್ಮೂರೇ so far better ಕಣ್ರೀ.... ನದೀ ತೋಡಿನ ಕಡೆಗೆ ಹೋದ್ರೆ.... ತೆಂಗಿನ ಕಾಯಿ... ಅಡಿಕೆ.... ಏಡಿ... ಎಲ್ಲಾನೂ ಸಿಗಬಹುದು....chance ಇದ್ರೆ......




ಚಿಕ್ಕಂದಿನಲ್ಲಿ ಶಾಲೆಗೆ ಹೋಗ್ತಾ ಇನ್ನೂ ಮಜಾ ಇತ್ತು.... ಇರೋ ಬರೋ ತೋಡಲ್ಲೆಲ್ಲಾ ಇಳೀತ್ತಾ..... ಚಳುಂ.. ಪುಳುಂ ಅನ್ನುತ್ತಾ... ಗುಡ್ಡೆಯಲ್ಲಿರೋ ನೀಲಿ ಬಣ್ಣದ ಕುಂಟಲು ಹಣ್ಣು ತಿನ್ನುತ್ತಾ.... ಬಾಯಿ ಎಲ್ಲಾ ನೀಲಿ ನೀಲಿ ಮಡಿಕ್ಕೊಳ್ಳುತ್ತಾ.... ಶಾಲೆಯಿಂದ ಮನೆಗೆ ಬರಬೇಕಿದ್ರೆ ತುಂಬಾ ಹೊತ್ತಾಗ್ತಿತ್ತು..... Full ಒದ್ದೆ ಬೇರೆ...... ಒಂದು ಸಾರಿ ಗದ್ದೆಯಲ್ಲಿ ತುಂಬಿರೋ ನೀರಲ್ಲಿ ಕಾಲು ಮುಳುಗಿಸಲು ಹೋಗಿ ಜಾರಿ ಕೆಸರಿಗೆ ಬಿದ್ದಿದ್ದೆ.......!!!!!!! ಚಿಕ್ಕಂದಿನಲ್ಲೇ ಬೆಳೆಸ್ಕೊಂಡ ಕೊಡೆ ಕಳ್ಕೊಳ್ಳೋ ಅಭ್ಯಾಸ ಈವಾಗ Hobby ಆಗಿ ಹೋಗಿದೆ...........!!!!!




ಎಲ್ಲಾದ್ರೂ ಹೋದಾಗ ಅಲ್ಲಿ ಮಳೆ ಬಂದ್ರೆ ನಾನು ಹೇಳೋದಿದೆ.... ನಾನು ಎಂಥಾ Great person!!! ನಾನು ಬಂದಾಗ ಮಳೆ ಕೂಡಾ ಬರುತ್ತೆ ಅಂತ... ಅದಕ್ಕೆ ಒಂದು ಸಾರಿ ನಾನು friend ಕೈಯಿಂದ ಬೈಸಿಕ್ಕೊಂಡಿದ್ದೆ.... "ಪಾಪಿ ಹೋದಲ್ಲಿ ಮೊಳಕಾಲು ನೀರು" ಅಂತ.......



hmmmmm......ಮತ್ತೆ ರಜಾ ಮುಗ್ದಿದೆ.... ಆಗಿದೆ.... 2ತಿಂಗಳು ರಜೆ ಮುಗಿಸಿ ಶಾಲೆಗೆ ಹೋಗ್ತಿರೋ 2nd standardಮಗೂ ಥರಾ ಆಗ್ತಿದೆ ನಂಗೆ.... ಇದ್ರ ಜೊತೆ ಬೇಸಿಗೇಲಿ ಆಗಿರೋ examನ ಬಿಸಿ ಬಿಸಿ resultಬೇರೆ.... ಧಾರೆಯಾಗಿ ಧರೆಗೆ ಸುರಿಯುತ್ತಿರೋ ಮಳೆಗೆ coolಆಗಿ ಪಾಠ ಕೇಳೋದಾ.... ಅಲ್ಲ ಬೆಚ್ಚಗೆ ನಿದ್ರೆ ಮಾಡೋದಾ?????? Confusion!!!!... hmmm...... ನೋಡ್ಬೇಕು.......